QRLog tətbiqini telefona necə quraşdırmaq olar

Başlamazdan əvvəl

Sizə lazım olanlar:

• Android telefon və internet bağlantısı
• Rəhbərinizin verdiyi giriş məlumatları

1. Google Play-dən yükləyin

Telefonda Google Play-i açın, axtarışa QRLog — Davamiyyət Sistemi yazın və Quraşdır düyməsinə basın. Yükləmə bitəndə tətbiqi açın.

2. Daxil olun

Rəhbərinizin verdiyi məlumatlarla hesabınıza daxil olun. Giriş məlumatını almamısınızsa, rəhbərinizdən və ya şirkətin administratorundan xahiş edin.

3. İcazələri verin

Tətbiq üç icazə istəyə bilər:

• Kamera — QR kodu skan etmək və giriş şəklini çəkmək üçün
• Məkan — iş yerində olduğunuzu yoxlamaq üçün
• Bildirişlər — çıxışı skan etməyi unutmamaq üçün xatırlatma

Kamera və məkan icazəsi olmadan giriş yoxlamaları tamamlana bilmir, ona görə bu icazələri verməyi unutmayın.

4. İlk skanı edin

İş yerinə vurulmuş QR plakata gedin, tətbiqdə skan düyməsinə basın və kameranı koda tutun. Bir neçə saniyədən sonra ekranda giriş təsdiqi görünəcək. Gün sonunda çıxışı da eyni qaydada skan edin.

Tez-tez rast gəlinən suallar

Məkan səhv göstərir, nə etməliyəm? Telefonda GPS-in açıq olduğunu yoxlayın, binanın içindən açıq yerə yaxınlaşın və bir neçə saniyə gözləyib yenidən cəhd edin.

İnternet yoxdur, skan etmək olar? Bəli, QRLog-da oflayn rejim var. Qeyd əlaqə bərpa olunanda sistemə göndərilir.

iPhone istifadəçiləri üçün

iPhone üçün App Store versiyası hazırlanır. Təlimat hazır olanda bu yazıya əlavə olunacaq.